كل مايتعلق بأكواد فودافون وموبينيل واتصالات

هذا الموضوع يا اخوانى يشمل كل ما يتعلق باكواد خطوط فودافون وموبينيل واتصالات افتحوا عيونكوا وطرطئوا ودانكوا
هنبدا بفودافون باذن الله

100#* فودافون لمعرفة الوقت والتاريخ ( فودافون) بس فية بعض الخطوط بتبقى الساعة بايظة بس على العموم ممكن يعرف

الوقت الصحيح ويزود ربع ساعة مثلا وكل مرة يشوف الوقت يزود ويبقى كدة عرف الغلطة فى الوقت

وعلى فكرة انا مسكتش اتصلت ب888خدمة العملاء اقولهم انا الساعة عندى مأخرة ساعة الا ربع قالى حضرتك خدمة #100* لسة لم يعلن عنها علشان كدة مش من حقك تسأل بايظة ولا شغالة

# 150* فودافون لمعرفة اخر رقم اتصل بيك واحد يقولى طيب منا عندى المكالمات التى لم يرد عليها ممكن اشوفها اقوله بس

دة حتى لو جهازك مقفول وحد اتصل هايجبلك الوقت اللى اتصل فيه و التاريخ بس زى ماقولنا فوق الوقت ممكن يكون مش

مظبوط وبستخدم لما تيجي تطلع الموبايل من جيبك تلاقية مقفول (اوحش حاجة فى الدنيا لأنك متعرفش مقفول من الساعة كام

ومين اللى اتصل ) بس #150* بتجيبلك اللى اتصل وهو مقفول والساعة والتاريخ بتاع الاتصال

#06#* تعرفلك السيريال بتاع الجهاز اللى بيبقى مكتوب تحت البطارية على الظهر بتاع شاسيه الموبايل ودة مهم في اية

اقولك انا لو الجهاز دخله سوفت الرقم دة بيتغير يبقى بتعرف ان الجهاز دة ملعوب فية او لو اتفتح واتغيرله الظهر بتاع الموبايل

ودة الاختيار اللى بيختاره اللى شغالين فى شارع عبد العزيز علشان مايقولكش انه دخله سوفت يقولك دة الظهر متغير علشان

وقع منى واتكسر ت حته منه والبورده سليمه والله

#0000#* نوكيا وده بقى علشان يعرف تاريخ خروجة من المصنع علشان تعرف الوقت اللى اشتغله الموبايل من تاريخه وكمان بتجيب اسم الموبايل اللى معاك

#war0anty#* طبعا دى معناها #92702689#* نوكيا بيطلعلك الموبايل عمل كام ساعة

علشان العداد اللى جوه الموبايل بيتصفر بأسهل السهوله اما العداد اللى هو بيجبهولك اصلى

#3370* بيعمل اعادة تشغيل الجهاز وفية ناس قالو انه بيعلى الشبكة

#4720* الرقم دة محدش يعرفه خالص المهم انه زي الرقم اللى فوق بيعمل اعادة تشغيل الجهاز والرقمين دول فى الاجهزة القديمة بس اكيد لية فايدة انا معرفهاش

## واحد قالى اطلبها روحت طلبتها قالى طلعلك اية قولتله قالى لم يتم قالى يبقى كدة اشتغلت قولتله يا رااجل ازاى بقة قاللى انت بالرقم دة بتضغط على الشبكة جدا بتشوفها هاتستحمل قد اية لو نزلت تحت خالص يبقى الجهاز بيجيب شبكة وهمية وشبكته ضعيفة ولو نزل شرطة واحدة يبقى الجهاز كويس المهم انى جهازى نزل شرطة واحدة الراجل دة ممكن يكون بيهيس مليش دعوة

اطلب للغة العربية
*888# للغة الانجليزية
*999#
سوف تصلك رسالة يوجد بها :

- لتشغيل فودافون لايف
*888*4#

- لمعرفة إل Puk-Code لأي رقم
*888*Mobil #

-لتشغيل خدمة التجوال
*888*5#

#اى رقم موبايل*505* فودافون طبعا دى حفظناها عن ظهر قلب كلمنى شكرا او كلمنى وجزاك الله خيرا

طبعا دي فودافون ليك 5 فى اليوم لفودافون بس

بعد ما كان 3 فى اليوم ولكل الخطوط

تحويل المكالمات

#اى رقم*21* و#اى رقم*002* فودافون لتحويل جميع المكلمات على الرقم اللى انت هاتكتبه

لو الرقم دة غير صحيح اللى هايتصل بيك يقوله هذا الرقم غير صحيح ولو غير متاح يقوله هذا

الرقم غير متاه وهكذا وفيه ناس بتحوله على كابينة ميناتل يقوله هذا الرقم مرفوع مؤقتا من

الخدمة بناءً على طلب المشترك بس عمرى مرضيت اشغلها لأنها ملهاش لزمه انك مش

هاتعرف مين اللى اتصل بيك الا اذا عملتها بدل ماتقفله مثلا الناس الوحيدة الى بتستخدمه

بتوع السنترالات بيشغله التحويل دة علشان مش كل شوية واحد يتصل يقوله الرقم دة بيتصل

بيه وهكذا انا معرفش الفرق بين الرقيمين اللى فوق

على فكره التحويل دة بيخصم من الرصيد لو حولت على الرقم تانى والرقم دة فتح على اللى

بيتصل بيك بيعتبره هو اتصل بيك وانت اتصلت باللى انت محوله يعنى لو كنتى محول على رقم

دولى وواحد اتصل بيك يتخصم نص جنية منه ويكلم هو دولى وانت يتخصم منك 5 جنية بالشفا

ان شاء الله اما لو حولت على رقم غير صحيح او غير متاح او اى حاجة بس المهم ان مايتفتح على اللى بيتصل بيك

لفك التحويل دة #21# او #002# على التوالى لو مشغله ب 21 تلغيه 21 ولو002 يبقى تلغيه ب

#اى رقم*67* فودافون ده تحويل برضة بس احسن تحويل عند انشغال الخط يعنى انت لو بتكبم واحد يحولهولك على اى رقم

يعنى لو محول على رقم غير صحيح يقول لو لنت مشغول هذا الرقم غير صحيح او لما تعمله cancel وهو بيتصل بيك يلاقى فى وسط ماهو بيرن عليك الست تطلع تقوله هذا الرقم غير صحيح يجنن هو بقة ملناش دعوة

يتلغى ب #67#

#اى رقم*61* دة للتحويل بعد 30 ثانية من الاتصال ونفس الكلام اللى قولناه فوق ويتلغى #61#

ممكن تعرف الرصيد بالكود ده هيبعتلك رساله فيها رصيدك بــ 19 قرش الكود *868*1#

على فكرة لو معرفتش تقرأ 5 ارقام من ال14 رقم اتصل ب888 ويقولك عل الارقام اللى ناقصاك اما لو اكتر من 5 يبقى راح عليك الكارت

لو انت قافل الموبايل فترة كبيرة أو موبايلك كان غير متاح وعايز تعرف كل اللى اتصلوا بيك فى خلال هذة الفترة ممكن تشغل هذة الخاصية

#777* بفلوس بتتصل بيها بعدين بيبعتلك رسالة يقولك انك شتركت فى هذة الخدمة واول ما تفتح الموبايل يبعتلك رسالة يقولك ان فيه حد اتصل بيك بس مش بيقول هوة مين لو عايز تعرف اتصل على #777* ب 5 جنيه في الشهر الواحد

يبقى كدة لو انت متصلتش مش هاياخد فلوس ولو عايز تعرف هوة مين اتصل وهياخد فلوس يبقى ممكن تستنى لما يجمعوا عدد كبير من اللى اتصلو وبعدين تصل ب#777* ويجبلك ارقامهم كلهم فى نفس الرسالة

فيه رقم تانى بيساويه هو #110* بس مش معروف

قولنا قبل كدة ان فية خدمة ببلاش بتجيبلك اخر رقم اتصل بيك حتى لو انت قافل الموبايل #150*

وممكن تعرف رقم موبيلك ....*878#

لو رصيدك ما فهوش غير جنية
و عايز تتكلم ضروري ادخل الكود ده
*868*3#ok
هم بيسلفوك 3 جنية
تخصم منك لم تيجى تشحن
وممكن تتصل مجانا من 51829

002 868 ب 20 قرش المكالمة كلها لمعرفة رصيدك او تحويل الرصيد من 5 الى 50 فى المرة الواحدة 808 خدمة البريد الصوتى يعنى الانسر ماشين بفلوس على اللي بيتصل يعنى لو انت ماردتش او كنت مغلق هايفتح عليه ويقوله قول الرسالة بعد سماع الصفارة 858 ببلاش طبعا لشحن الموبايل بتدخل 14 رقم 888 ب 50 قرش المكالمة كلها خدمة العملاء هايقولك لو عايز الباك دوس رقم اى حاجة ( طبعا انا قولت فوق ازاى بنجيب الباك ببلاش ) ويقولك لوعايز تعرف معلومات عن نظامك دوس كذا المهم انك لو عايز تكلم واحد من خدمة العملاء دوس 0 زيرو وتتكلم معاه وتحكيله مشكلتك 880 مش عارف رسوم التحويل كام لتحويل من نظام الى اخر 5555 بجنية ونص الدقيقة للكوول تون 800 ببلاش لمعلومات عن خدمات فودافون

كل المعلومات التى تهمك عن موبينيل واشرحلكم ازى الاستفادة بيها

#100# ببلاش اسمها موبيليست بيجيبلك

وهتلاقى كلمة ANSWERاو كلمة رد على الشمال دوس عليها هاتلاقى صفحة بيضا اتفتحت اكتب 4 هايجبيلك

اى اختيار من الاختيارات اللى فوق اكيد مفهوم هوة بيعمل اية

# رقم كارت الشحن*102# للشحن السريع

# رقم الموبايل *104# خدمة اطلبنى (كلمنى شكرا) على فكرة لموبينيل فقط و 3 مرات فى الاسبوع

شوفوا بقة الاستخدام الجديد للخدمة دى كدة كدة الرسالة دى ببلاش يعنى اطلب 446 وتجيلك الرسالة وتشوف تاريخ الرسالة يبقى كدة انت عرفت الوقت والتاريخ

يعنى دى بدل #100* بتاع فودافون يبقى اللى عايز يعرف الوقت والتاريخ فى موبينيل يتصل ب 446

علشان متقولوش انى حارمكم من حاجة

(1) استعلام عن الرصيد

(2)ميعاد اخر رسالة ورقم المرسل الية (خدمة جامدة من موبينيل )

(3) اخر مكالمة والمدة والرقم الى اتصلت بيه (كدة فعلا الواحد يحترم موبينيل ان الخدمات دى مش فى فودافون)

mobinil

كل المعلومات التى تهمك عن موبينيل واشرحلكم ازى الاستفادة بيها

#100# ببلاش اسمها موبيليست بيجيبلك

1- تحويل رصيد

2- اعادة الشحن

3- معلومات عن حسابك (استعلام عن الرصيد) ب 20قرش

4- التالى

وهتلاقى كلمة ANSWERاو كلمة رد على الشمال دوس عليها هاتلاقى صفحة بيضا اتفتحت اكتب 4 هايجبيلك

4- أطلبنى

5- خدمات وعروض موبينيل (الجديدة )

6- عالم المرح والمعلومات ( بفلوس)

7- الضبط (لضبط القائمة اللى فوق )

اى اختيار من الاختيارات اللى فوق اكيد مفهوم هوة بيعمل اية

# رقم كارت الشحن*102# للشحن السريع

# رقم الموبايل *104# خدمة اطلبنى (كلمنى شكرا) على فكرة لموبينيل فقط و 3 مرات فى الاسبوع

446 ببلاش لمعرفة فترة الصلاحية بيبعتلك رسالة بعدد الايام اللى باقيلاك فى الصلاحية (على العموم الف مبروك على مدة الحياة يا ال موبينيل )

شوفوا بقة الاستخدام الجديد للخدمة دى كدة كدة الرسالة دى ببلاش يعنى اطلب 446 وتجيلك الرسالة وتشوف تاريخ الرسالة يبقى كدة انت عرفت الوقت والتاريخ

يعنى دى بدل #100* بتاع فودافون يبقى اللى عايز يعرف الوقت والتاريخ فى موبينيل يتصل ب 446

علشان متقولوش انى حارمكم من حاجة

444 للشحن - او شحن للغير - او تحويل رصيد -تشترى بية صلاحية بالرصيد اللى عندك

8000 بفلوس حجز شركات او فنادق او طائرات

777 بفلوس على اللى بيتصل بيك بريد صوتى ( الانسر ماشين)

250 او 110 بجنية ونص المكالمة كلها خدمة العملاء على فكرة اول 3 مرات مجانا (كدة ابدأ احترم موبينيل )

445 الاختيارات اللى هايديهالك

1- استعلام عن الرصيد ب20قرش تدوس واحد هايفتح قائمة تانية

(1) استعلام عن الرصيد

(2)ميعاد اخر رسالة ورقم المرسل الية (خدمة جامدة من موبينيل )

(3) اخر مكالمة والمدة والرقم الى اتصلت بيه (كدة فعلا الواحد يحترم موبينيل ان الخدمات دى مش فى فودافون)

2- استعلام عن اسعار المكالمات ببلاش

3- لتغيير اللغة ببلاش

4- معلومات عامة عن موبينيل ببلاش

5- استعلام عن الباك بتاع اى رقم اواستطلاع عن رقم الخط ببلاش

6- للحصول معلومات عن نظامك ببلاش

442

1- للاشتراك فى احد الانظمة ( لتغيير نظامك)

2- للاشتراك فى احدى الخدمات

3- للمزيد من المعلومات عن انظمة الو

4- لمعرفة الخدمات اللى اشتركت بها

300

1-احدث عروض موبينيل

2- استعلام عن اشتراكك

3- خدمات موبينيل افراد

4- خدمات موبينيل شركات

5- أقرب مراكز خدمة العملاء

هذه هي كل الاسرار والاكواد بتاعت شركة موبينيل

خدمه تحويل الرصبد

#1*100#

خدمه الشحن

#2*100#

لمعرفه الرصيد الخاص بك مجانا

#3*100#

خدمه كلمنى شكرا ( 3 رسائل يوميا مجانا )

#4*100#

خدمه معلومات عن حسابك

#5*100#

خدمه اشحن خطى من فضلك

#6*100#

خدمه الشحن لخطوط اخرى

#7*100#

خدمات موبينيل

#8*100#

لمعرفة الرصيد #555*

لمعرفة الدقائق المجانية#558*

لشحن الرصيد#15 رقم اللي على الكارت*556*

لارسال رسالة "من فضلك كلمني" #رقم التليفون اللي انت عايزه*111*

بالنسبة لعرض رمضان هذة هي الاكواد الخاصة به:

لمعرفة الدقائق #1*555*

لمعرفة الرسائل #2*555*

لمعرفة الفديو كول #3*555*

موبيل ليست لاتصالات شبيه بموبنيل ....#100# او *100#

1- كلمني ..
وهما رسالتين في اليوم من اتصالات لاتصالات ....

2- اشحنلي ....

رساله مجانيه واحده ...

يدخل اولاً المبلغ بعدين تضغط ارسال ...
هيطلب رقم التلفون اللي هتبعتله الرساله ....

3- انظمه اتصالات

فيها 3 خيارات فرعيه

1- الانظمه الشخصيه

2- بيزنيس
3- اخر العروض

4-خدمات اتصالات .....

1- درجات الحراره
2- مواقيت الصلاه

3- الدليل
4- اقوي المنوعات

5- دردشه

5- الرعايه الذاتيه..

ده بيبعت رسايل ضبط لخدمه النت ....

6- ضبط.... اللغه ....

لرجوع لاي قايمه سابقه تضغط 0

كل الاسرار والاكواد بتاعت شركات الموبيل في مصر ...

===&& فودافون - موبينيل - اتصالات &&===

ملحوظة
انتشرت في الفترة الأخيرة مواضيع نصب من شباب نفوسهم ضعيفة واستحلوا مال الناس بدون وجه حق ومابقاش يفرق معاهم حلال من حرام وبقت موضة ان كل واحد من دول يخش عالمنتديات والمواقع المشهورة زي مصراوي وغيره وغيره عشان يحط فيها موضوعه أو رسالته اللي مالهاش هدف غير النصب على خلق الله ومحاولة الحصول على رصيد الموبايل بأي شكل من الأشكال.

ولعل من أشهر الأمثلة عن هذا الموضوع:

1- النصب بطريقة الكود اللي بيحول الرصيد
2- النصب عن طريق تقديم خدمات من على الانترنت مقابل رصيد على الموبايل، وطبعا بتكون الفيزا اللي اتعمل بيها الخدمات دي مسروقة وبتلاقي الخدمة اتوقفت بعد شهر ولا شهرين بدون سبب ولما تراسل الشركة يقولولك أصلك حرامي ومشتري الخدمة بفيزا مسروقة، وبالتأكيد صاحبنا اللي انت حولتله الرصيد بيبقى ساعتها فص ملح وداب وغير رقم موبايله وابقى هاته لو تعرف...

وانا واحد من الناس حصل فيا الموقف رقم 2 بحذافيره من عضو هنا في منتدى العرض كان بيعرض دومينات للبيع مقابل كرت شحن ولحد النهاردة مش عارف اجيبه ولا اجيب معلومات عنه،،، برغم تهافة وضآلة المبلغ إلا انه مش عارف كم الغيظ والقرف من الحركة ذات نفسها ومن وقف الحال اللي حصل لما الخدمة دي اتوقفت بشكل مفاجيء وفجأة بقى الدومين بتاعي بيفتح صفحة مكتوب فيها رسالة مفادها ان صاحب الدومين ده حرامي وبيسرق الفيزا بتاعة الناس عشان كده وقفناه

كل ده بسبب واحد لا عنده ذوق ولا احساس ولا ضمير وبقى الحلال والحرام عنده سواسية

المهم ربنا هداني لحاجة هاتكون هي طريق النهاية لكل كلب من دول، بس مش لازم اعملها لوحدي..
لازم انا وانت وهو وهو وكل واحد يتنصب عليه أو يشوف محاولة نصب بأي شكل من الأشكال عن طريق الانترنت انه يعمل اللي انا هاقول عليه ده.

بالمختصر المفيد:

موقع وزارة الداخلية أخيرا افتتح قسم أو صفحة خاصة ببلاغات النصب عن طريق الانترنت

سواء كان عن طريق الموبايلات وتحويل الرصيد
أوالفيزات المسروقة والخدمات المزيفة
أو حتى الايميلات الوهمية اللي بتيجي تقللك انا ورثت مبلغ كام مليون دولار بس عاوزك تساعدني في تهريبه من البلد واديك ماعرفش كام في المية
أو حتى اي طريقة أخرى يقوم صاحبها باستغلال شبكة الانترنت للايقاع بضحاياه

طب هل أي حد متغاظ من واحد يروح يحط فيه شكوى كده وخلاص ؟؟

لأ طبعا، الوزارة مش بتتخذ أي اجراء ولا أي تحرك غير لما تتعدد شكاوى الناس من نفس النصاب
وليا قريب في الداخلية حكالي بنفسه عن بعض النصابين اللي تم القبض عليهم من خلال شكاوي المواطنين وفيه كمان منهم اللي خد حبس سنة أو حبس 6 شهور

طب نعمل ايه ونساعد ازاي عشان نوقف الظاهرة المتفشية جديد دي وطالعة في المقدر ؟؟

الموضوع بسيط جدا...
إليكم رابط صفحة بلاغات النصب الالكتروني على موقع وزارة الداخلية:
http://www.moiegypt.gov.eg/arabic/de...sure/balaghat/
لما تخش عليه هاتلاقي انك لازم تكتب بياناتك الشخصية كاملة،
زي رقم بطاقتك وعنوان سكنك واسمك بالكامل وخلافه
وده لضمان جدية مقدم البلاغ وانه مش واحد بيتسلى وخلاص

وهاتلاقي خانة تكتب فيها تفاصيل الشكوى بتاعتك أو البلاغ بتاعك
ودي طبعا تكتب فيها كل تفاصيل طريقة النصب المستخدمة
ولو تعرف أي بيانات عن النصاب يبقى طبعا لازم تكتبها (مهما كنت شايف انها تافهة أو مالهاش لازمة) لأن كلمة منك على كلمة من غيرك بتجمع جملة مفيدة يقدروا هما يستخدموها للايقاع بذلك النصاب
حتى لو مش عارف اسمه (وده بيكون غالبا) لكن فيه حجات كتير بتسهل عليهم الوصول اليه من غير اسمه
زي رقم موبايله أو ايميله أو اسم عضويته في المنتدى اللي حصلت فيه عملية النصب أو أي حاجة تانية تعرفها
حاجة مهمة جدا بقى وهي انك تحط رابط للصفحة أو الموقع اللي استخدمه النصاب
عشان يدخلوا عليها ويتأكدوا بنفسهم انك مش بتقدم بلاغ كاذب
وكمان عشان يقدروا يشوفوا زوار الموضوع ويحاولوا يتواصلوا معاهم في محاولة منهم للعثور على شخص يكون اتعامل مع النصاب ده ويكون عرف عنه أي معلومة تساعدهم

هاتلاقي كمان مكان لإرفاق ملف أو صورة
وده ليه استخدام مهم جدا جدا
انك تاخد Print Screen من الصفحة المستخدمة للنصب وترفعهالهم في الوزارة
طب لازمتها ايه دي ؟؟؟ عشان فيه بعض المواقع ممكن لما يلاقوا فيها موضوع نصب يقوم المشرف يحذفه
يبقى كده الرابط اللي انت بعتته للوزارة في البلاغ بتاعك مش شغال
وساعتها مش هايقدروا يتأكدا هل بلاغك ده صحيح ولا وهمي
فالصورة بتديهم تأكيد

وللعلم فقسم مكافحة جرائم الانترنت دلوقتي أصبح له سلطة معترف بها دوليا وبيستخدمها في مراسلة أصحاب المواقع لمعرفة الآيبيهات الخاصة بالأعضاء المتهمين بالنصب على صفحات الموقع،،
ومن خلال الآيبي بتتحدد شركة الانترنت المزودة للخدمة،،
وأي حد شغال في أي شركة انترنت أكيد طبعا عارف ان الشركة لازم بتحتفظ بـ Log كامل بالآيبيهات المستخدمة خلال آخر 60 يوم ومن خلاله بتقدر تعرف أنهي آيبي كان على أنهي خط تليفون يوم كام في الشهر والساعة كام بالظبط،، متهيألي بعد كده بيبقى الباقي سهل أوي عليهم انهم يجيبوا النصاب بمجرد التأكد من البلاغات المقدمة ضده ومن تعدد الشكاوي والبلاغات من أشخاص مختلفة

آخر خطوة بتحتاج تملاها في الموقع هي اختيار الجهات المعنية بالتحقيق في الشكوى الخاصة بك
ودي انت بتعملها عشان تسهل عليهم

يعني هاتلاقي خانة فيها كل الجهات التابعة لوزارة الداخلية وبتختار منهم أنهي واحدة اللي انت عاوز الشكوى بتاعتك تروحلها (لأنه طبعا لو الشكوى أو البلاغ بتاعك راح لمكان غلط يبقى مفيش منه فايدة)

هاتختار منهم مديرية أمن المنطقة بتاعتك أو التابعة ليك
ولو تعرف محافظة أو مكان النصاب (وتكون طبعا ذكرته في الشكوى)
يبقى هاتختار كمان مديرية أمن المنطقة اللي هو تابع ليها

وبكده تبقى كملت بلاغك،،

أتمنى نكون كلنا ايد واحدة في ايقاف هؤلاء النصابين والحرامية

الموضوع كله مش هاياخد منك 5 دقايق

بس لما ييجي واحد من دول يعمل موضوع في المنتدى عن حركة تحويل الرصيد مثلا

لازم كلنا نقدم فيه بلاغ

لما عشرة ولا خمستاشر واحد هايقدموا بلاغ ضد نفس الشخص ساعتها بيتأكدوا ان مش كل دول بيتهموه زور أو بيتبلوا عليه وفعلا بيقوموا بتحركاتهم عشان يجيبوه من قفاه (وحصلت والله العظيم)

الموقع أهو مرة تانية:
http://www.moiegypt.gov.eg/arabic/de...sure/balaghat/

واتمنى ان محدش يشوف حاجة زي كده ويسكت ويقول وانا مالي
الـســـاكــت عـن الـحـــق شـيـطــــان أخـــرس

ولازم نكون كلنا ايد واحدة ونعمل حاجة ايجابية تنفعنا وتطهر المجتمع من الكلاب اللي زي دول

بالله عليك أخي الكريم
تقديم البلاغ مش هاياخد منك اكتر من دقايق ضمن الساعات اللي بتقضيها كل يوم على شبكة الانترنت
فلا تبخل بدقائق معدودة قد تحمى أخيك أو أختك من عملية نصب محترفة يقوم بها انسان مخادع بلا ضمير

واللة الموفق